Стручни настани и реализирани активности

РЕАЛИЗИРАНИ АКТИВНОСТИ

  • Во периодот септември – ноември се реализираше програма од десет работилници во соработка со Центарот за младински активизам КРИК, и тоа секој вторник во попладневните часови. Во овие работилници беа вклучени 15 корисници.
  • На 22 септември 2017 година, дел од корисниците од Установата учествуваа на инклузивена културно – забавна манифестација „Јас сум Цако“, со свој настап – зумба танц, во мултимедијалниот центар Јавна соба.
  • На 14 септември 2017 година, дел од корисниците учествуваа на изложба во Музејот на современа уметност која беше резултат на серијата инклузивни ликовни работилници кои се реаализираа во летниот период. Овие работилници беа под водство на Македонското Монтесори Здружение и ликовните педагози од Музејот на современа уметност и истите беа поддржани од Министерството за култура на РМ.
  • Во периодот 07 – 11 август 2017 година, беа реализирани серија работилници со корисниците од Установата, во соработка со ЦМА Крик. Во работилниците беа вклучени ЕВС волонтери преку Еразмус+ програмата од Франција и Германија и Словенија.
  • Во текот на месец септември пет корисници беа вклучени во часови по зумба, во соработка со студиото “Without limits”, а насока на учество на инклузивен настан.
  • Во периодот 03 – 06 август 2017 година, тројца корисници од Установата беа вклучени во летен камп кој се реализираше во Охрид, во соработка со ЦМА Крик.
  • Во текот на месец јули, неколку корисници од Установата беа вклучени во инклузивни ликовни работилници во Музејот на современа уметност како дел од Програмата „Градина на бои – допри ја уметноста“, во соработка со Македонското Монтесори Здружение.

Во периодот 10 – 19 јули се реализираше летување за корисниците без родители и родителска грижа, како и дел од корисниците кои поголем дел од летниот период го поминуваат во Установата. Летувањето се реализираше во детското одморалиште „Мајски цвет“ во Струга и за таа цел беа ангажирани четири лица, вработени во Установата – двајца дефектолози, еден инструктор и една негователка. Импресиите кај корисниците од ваквите настани секогаш се позитивни и истите имаат големо позитивно влијание врз нивната општа состојба.